• عالم مصري جوجل كل سنة بتحتفل بعيد ميلاده رغم وفاته ...



    العالم ده قليل جداً اللى يعرفه مع أنه ليه أنجاز كبير جداً ومن غيرة مكنتش هعرف أكتب المقال ده

    هو الدكتور / نبيل على

    عالم في مجال معالجة اللغات الطبيعية حاسوبيا وكاتب ومفكر مصري.

    أتولد في القاهرة في 3 يناير 1938، وتوفى في 27 يناير عام 2016، عن عمر يناهز 78 عاما

    وبرغم وفاته جوجل كل سنة بتحتفل بعيد ميلاده يوم 3 يناير وده لأنه

    • أشتغل مدير لمشروع المعونة الأمريكية لإقامة الشبكة العلمية والتكنولوجية في القاهرة.
    • وصمم الدكتور نبيل أول محرك بحثى للغة العربية على أساس صرفي.
    • وكمان صمم أول قاعدة بيانات معجمية للغة العربية، وأول برنامج للقرآن الكريم أنتجته شركة صخر، وأول قاعدة معارف للشعر العربي.
    • وصمم برنامج الإعراب الآلي للغة العربية، وبرنامج التشكيل الآلي للغة العربية، وطَوَّر العديد من المعالجات الآلية الأخرى للغة العربية.
    • كذلك فقد صمم نموذج المعمل المتقدم لتعليم العربية وتعلمها وغير ذلك من برمجيات تعليمية وثقافية.
    • ألف الدكتور نبيل أول كتاب في اللغة العربية والحاسوب إضافة إلى عدة كتب أخرى.

    يعني من غيره مكانتش هتكون اللغة العربية موجودة على الكمبيوترات والموبايلات والإلكترونيات عموماً.

    وهو ده السبب اللي خلى جوجل تختار تصميم احتفالها بميلاده بالمنظر ده، وزي ما انتم شايفين في الصورة إن جوجل كاتبة اسمها بالعربي عشان هو السبب في دخول اللغة العربية وأدابياتها وقواعدها النحوية لعالم الكمبيوتر والبرمجيات وكان السبب في ربط الناطقين بيها على مستوى العالم من خلال شبكة الإنترنت العالمية.

    ومن أهم أقواله

    " نحن نواجه عصراً جديداً بعقلية غاية في القدم، هذا هو المأزق الذي نجد فيه أنفسنا كعرب ونحن نواجه متطلبات العصر الحديث. هناك فجوة معرفية تزداد هوتها كل يوم وتهدد بعزلنا على الجانب الآخر من التاريخ حيث لا يوجد مقاعد للمهمشين في هذا العالم. لنبدأ الخطوة الأولى لسد هذه الفجوة المعرفية، لنبدأ بالترجمة. "

    ولإنجازاته حصل دكتور نبيل على جوائز كتير أهمها جائزة الملك فيصل السعودية سنة 2012، وجائزة معرض القاهرة الدولي للكتاب سنة 2007، وجائزة أفضل كتاب في تحديات عصر المعلومات في 2003، وأفضل كتاب في فئة الدراسات المستقبلية سنة 1994.

    شخص زي دة لم ينال نصيبه من الشهرة اللي كان يستحقها، لكن جوجل هي اللي فكرتنا بيه.

    كمان لازم نذكر كل آية قرآنية، وكل حديث شريف، وكل كلمة خير تجبر الخواطر، وكل علم ينتفع به، وكل كتاب، وكل ما سبق لو كان إتكتب إلكترونياً، وكل إنسان قرأهم، وبعدد مرات القراءة دي. فكل دة في ميزان حسناته رحمة الله عليه








  • Sign up to our newsletter




    Suggest



    عالم مصري جوجل كل سنة بتحتفل بعيد ميلاده رغم وفاته ...
    العالم ده قليل جداً اللى يعرفه مع أنه ليه أنجاز كبير جداً ومن غيرة مكنتش هعرف أكتب البوست ده

    McDonald's
    من كام سنة كده McDonald’s عملت خطأ إملائي مكتوب على صناديق جمع التبرعات في كل فروعها والخطأ الاملائي ده أتصور ونزل لأول مرة على حساب المغنى زاب ثروت والممثلة أمينة خليل وبدأت الناس تشارك الصور كنوع من الاستهزاء والسخرية بماكدونالدز لأنها ارتكبت خطأ سخيف زي ده

    Thank you for smoking 
    فيلم كوميدي اتعمل في الولايات المتحدة سنة 2005 وبقى من أهم الأفلام اللى بتتكلم عن التسويق ولحد دلوقتى بنتفرج عليها وبنتعلم منها كتير وده لأن الفيلم كله قايم على الدفاع عن التدخين وأد ايه أسلوب الكلام ومهارات الأقناع تقدر تقنع أي حد في الدنيا بأى حاجة حتى لو الحاجة دى كانت غلط

    Burger King VS McDonald’s
    لو انت شخص بتحب البرجر فأكيد تعرف المنافسة القوية بين Burger King و McDonald’s اللى ممكن توصل لحروب بس تقريباً عمرك ما تتوقع انك لما تدخل على صفحة McDonald’s علشان تكتب شكوى فيهم تلاقى Burger King هي اللى بترد عليك !!!

    عرف نفسك interduce yourself
    كلنا اتسألنا السؤال ده وفى ناس بتبقي فكرة انه سؤال بسيط وسهل وبتبدأ تجاوب عليه على انه أسطوانة بتتعاد في كل ال Interview وبعض الناس بترد عليه بأسمها وسنها وتخرجها فقط.....

    أنواع العملاء وطريقة التعامل معهم
    أهمية العميل من أهمية نجاح البيزنس وبما ان أغلب الخريجين الجدد شغالين فى مجال خدمة العملاء Call Center فمن المهم جداً التعرف على أنواع العملاء وطرق التعامل مع كل نوع منهم.