• Burger King VS McDonald’s



    لو انت شخص بتحب البرجر فأكيد تعرف المنافسة القوية بين Burger King و McDonald’s اللى ممكن توصل لحروب

    بس تقريباً عمرك ما تتوقع انك لما تدخل على صفحة McDonald’s علشان تكتب شكوى فيهم تلاقى Burger King هي اللى بترد عليك !!!

    وده بالظبط اللى حصل في الدنمارك لما ناس كتير كانوا بيقدموا شكاوى على الفيسبوك بتاع ماكدونالدز ومكنوش بيلاقوا رد من خدمة العملاء فقررت شركة Burger king انها هترد على شكاوى كل محبين البرجر في الدنمارك خلال 48 ساعة وبالفعل تانى يوم الصبح بدأت ترد على تعليقات الشكاوى في صفحة ماكدونالدز وتوفرلهم سندوتش ال whopper الشهير من برجر كينج مجاناً

    نظرًا لأن برجر كينج كانت شايفة ان كل عشاق البرجر لازم يحصلوا على الردود اللي يستحقوها سواء كان الوبر المشوي على اللهب من برجر كينج أو بيج ماك من ماكدونالدز

    هما بس قرروا يساعدوا زملائهم في ماكدونالدز مش أكتر

    ايه ده خدت عملائك !!

    أنى أسف

    نفس فكرة صاحبتك اللى راحت تصالحك على خطيبك 

    وأطلقت الشركة على الحملة دى بأسم ال Whopper Reply بس الحملة دى مكنتش بتستهدف عملائها الحاليين بس ! دى كانت بتستهدف عملاء ماكدونالدز تحديداً

    وكمان أستغلت الشكاوى والتعليقات الجديدة وكمان التعليقات اللى ليها سنييين وفى خلال أول 24 ساعة ردت على أكتر من ألف تعليق والمميز في الموضوع انها كانت بترد على التعليقات بشكل ساخر ومضحك وبذكاء قدرت شركة Burger King أنها تكسب رضا عملاء منافسيها وتقدملهم الخدمة اللى كانوا بيتمنوها من الشركة الأصلية

    وده دفع عملاء McDonald’s انهم يروحوا Burger King ويبقوا العملاء بتوعهم تحت شعار " الجميع يستحق خدمة كالملوك "

    وقدرت برجر انها تكسب عملاء جداد بأقل تكلفة وبأقل مجهود








  • Sign up to our newsletter




    Suggest



    عالم مصري جوجل كل سنة بتحتفل بعيد ميلاده رغم وفاته ...
    العالم ده قليل جداً اللى يعرفه مع أنه ليه أنجاز كبير جداً ومن غيرة مكنتش هعرف أكتب البوست ده

    McDonald's
    من كام سنة كده McDonald’s عملت خطأ إملائي مكتوب على صناديق جمع التبرعات في كل فروعها والخطأ الاملائي ده أتصور ونزل لأول مرة على حساب المغنى زاب ثروت والممثلة أمينة خليل وبدأت الناس تشارك الصور كنوع من الاستهزاء والسخرية بماكدونالدز لأنها ارتكبت خطأ سخيف زي ده

    Thank you for smoking 
    فيلم كوميدي اتعمل في الولايات المتحدة سنة 2005 وبقى من أهم الأفلام اللى بتتكلم عن التسويق ولحد دلوقتى بنتفرج عليها وبنتعلم منها كتير وده لأن الفيلم كله قايم على الدفاع عن التدخين وأد ايه أسلوب الكلام ومهارات الأقناع تقدر تقنع أي حد في الدنيا بأى حاجة حتى لو الحاجة دى كانت غلط

    Burger King VS McDonald’s
    لو انت شخص بتحب البرجر فأكيد تعرف المنافسة القوية بين Burger King و McDonald’s اللى ممكن توصل لحروب بس تقريباً عمرك ما تتوقع انك لما تدخل على صفحة McDonald’s علشان تكتب شكوى فيهم تلاقى Burger King هي اللى بترد عليك !!!

    عرف نفسك interduce yourself
    كلنا اتسألنا السؤال ده وفى ناس بتبقي فكرة انه سؤال بسيط وسهل وبتبدأ تجاوب عليه على انه أسطوانة بتتعاد في كل ال Interview وبعض الناس بترد عليه بأسمها وسنها وتخرجها فقط.....

    أنواع العملاء وطريقة التعامل معهم
    أهمية العميل من أهمية نجاح البيزنس وبما ان أغلب الخريجين الجدد شغالين فى مجال خدمة العملاء Call Center فمن المهم جداً التعرف على أنواع العملاء وطرق التعامل مع كل نوع منهم.